يوم السبت اختباري

انشاء الله يوم السبت اختبـاري راح أغيب عنك ياغالي اعذرنـي

والله غصب عني مو باختيـاري هذي ظـروفي ولازم تتحملنـي

أنا أتعذب بفرقاك و أنـت داري والدقيقه بدونك دهـر يتعبنـي

أكيد انك حاس بعـذابي و ناري وحاس بشوقي لك اللي معذبنـي

من سبة الطب هجرت جـاري و أصحابي محد منهـم يذكرنـي

الطب ضيـع فيني كل أفكـاري دايماً اختبـارات والله يصبرنـي



أنا كل ما أخلص من اختبـار ألقـى قدام عيني اختبار ثانـي

تعبت من المذاكره ليل ونهـار نسيت الحب و الحب نسانـي

وأصحابي يقولون عني غـدار يقولون اني بعتهم واني أنانـي

مايدرون عن اللي فيني صـار واني من ضيق وقتـي أعانـي

الحمدلله أنا راضي بالأقـدار مجبور أصبر على اللي جانـي

يالله عن اذنكم وراي مشـوار عندي اختبار السبت الثانـي