ياماخذ القلب قلبـي ويـن وديتـه
نطرت قلبي يجي منـك ولا جانـي
رحت أتحراه يرجع والحشـا بيتـه
والظاهر بقربك ارتـاح وتناسانـي
وشلـك بقلـبٍ تضمـه ماتمنيتـه
عادي تضمه ! وعادي تضملك ثاني
ماهي غريبه ليـا جالـك وضميتـه
وسيع ذمه عسـى ربـي لايبلانـي
ماخفـت ربـك وقلبـي ماتبنيـتـه
غيرت قلبي على ورحـت تجفانـي
أبيك تذكـر وشلـي معـك سويتـه
راجع ضميرك ورتب جمله أحزانـي
حتى الشعر فيك ضحكتـه وبكيتـه
يضحك على شانك ويبكي على شاني
في داخلـي لـك كـلامٍ ماتهقويتـه
كلام لاجيت أقولـه يثقـل لسانـي
كلام فالصـدر مـن سبتـك كنيتـه
عجزت اقوله ماكن لساني حصانـي
حبل الوصل من يدينك ليـه هديتـه
حاولت أشيله ولكن طاح ما أمداني
وقفـت حتـى مكانـي ماتعديـتـه
كن الصبر مرنـي عجـل وتعدانـي
فنجال فرقاك من صـدك تقهويتـه
والحزن غيم على الصدر وتقهواني
على كثر مانزف جرحـي وداويتـه
على كثر ماندمت وقلت وش جانـي
الله يسامحـك قلبـي ويـن وديتـه
والله يسامحه قلبـي ويـن ودانـي
موضوع: يا ماخذ القلب .. قلبي وين وديته .؟ 
الخميس فبراير 09, 2012 10:20 am
