ياصاحبي والوقـت دايـر والزمن فينا يـدور
لاتتعـب النفـس الشقيـه والهوى قد حـدهـا
ياما وياما صغت لك حـرفي وبكيت السطـور
الين روحي ياهـوى روحي تبـايـح سـدهـا
اسألك باللي حـط قـدرك في خفوقي لاتجـور
أبواب حـزني يالـغـلا منك تعبـت أسـدهـا
إن كان مالي بالـغـلا موطـن تكلـم لاتشـور
وابشر بعـزك لو جبـال الحب جيـت تهـدهـا
لـو شفت صدري كيف من فعلك براكينه تثـور
والله لتلعـن سـاعة الفـرقـا وتلعـن جـدهـا
ولـو شفت قلبي كيف من غله بدى دمـه يفـور
تحسب جـروحك بصـدري والطعـون تعـدهـا
ياليـت ما لـك بالغلا منزل ولا أيـة حضـور
ما كـان هليـت المدامـع يـوم مـاني قـدهـا
الله يبيحك!كان لـك بالقلـب كـرت للعـبـور
والله يسمح درب روحـك يـوم عنـي تـلـدهـا
موضوع: الوقت داير والزمن فينا يدور ..، 
الخميس فبراير 09, 2012 10:24 am
