نبذة عن حياة الداعية (يوسف الصالح )في اصداره الاول (اسال مجرب )

الشي الثاني اصدقاء السوء وما ادراك ما اصدقاء السوء اللي في يوم من الايام طالع من البيت ولقيت ابوي يتكلم ويا واحد من ربعي جايبلي مخدرات واسمع ابوي يقوله انت مو برجال انا صراحة جتني حمية على ربعي ورحت لابوي وقلتله اصلك انت مو برجال تعرفوا ايش قال لي ابوي روح الله يهديك اقولكم على سالفة ثانية في عندي جار متعمد انا متعمد كل ما اصلي الفجر اطالع بيته كذا بيته اسود هرمس ما به ولا لمبة فيوم من الايام حوالي فترة بسيطة فجيت ولقيت لمبة غرفته مولعة على صلاة الفجر طالع المسجد قلت عسى ما شر ليكون جارنا خوينا فيه مرض والا شي والا يمكن اهتدى يبي يجي المسجد رحت اصلي في المسجد صلاة الفجر ادور يمين يسار ما لقيت خوي عاد اشتغل عندي حب استطلاع ما اقدر قلت خلني اطق عليه الجرس يا يوسف الحين مو وقته الدنيا ليل خله الصبح تسال عنه قلت لا بسال عنه الحين طقيت عليه الجرس طن ما فتح طن ما فتح طن طن فتح شباك مين قلتله ابو صالح قالي جايلك نزلي قلت له فلان حقه ما شر اشوف لمبتك مفتوحة ليكون واحد من العيال والا انت مسخن قالي لا هي مباراة الارجنتين والبرازيل سهران علشان مباراة الارجنتين والبرازيل
نيجي على الفقرة الثانية واللي هي التقليد وحنا نحب التقليد ترى على فكرة مرض التقليد صايب مو هو بس المدمن الحين الام تقلد والاب يقلد تعرفون هذا لاعب البرازيل اللي حاط على جسمه وشعره كده واش اسمه هو هذا رونالدو راح للحلاق يبي يحلق اقرع وخربت عليه الماكينة وبقت هذه وعليه مباراة فقال حق الحلاق كملي وراء المباراة نزل للملعب وهذه موجودة صار شبابنا بالسعودية كلهم قصوها رونالدوا المسكين تعجب يوم شاف كل العالم هنا ليش قال لانه اللاعب الفلاني يسويها زين وشو اللاعب الفلاني هذا . يا عم انت معقد. ماشي بالسوق ولقيت 3 يمشون اهم 3 بس 6 والا معطينا ظهورهم يمشون والا عليهم بنطلونات كل واحد بنطلونه 60 نعش ويسوي كذا بالبنطلون وش وش ما في عظام بنطلون يتحرك ليش يا اخي وش السالفة قال يا اخي هذه موضة . وشو الموضة موضة بس ما تصلح لك انت . كنت رايح اجتماع للمدارس والا واحد يا جماعة رقبته هالطول والا قاعد قبالي وانا قاعد اتكلم وشدني الانتباه له رقبته هالطول وحاط هنا 650 الف زر قلت والله ما اخليه نهاية الجلسة لازم اسحبه واناديه جيتله قلتله يا ابو الشباب قالي تم قلتلوا يا اخوي وش هو هذا 1،2،3 وشو هذا قال هذه موضة قلتله موضة ليش قالي لانه المدرسة اشوفهم كلهم مسوينها قلتله اللي في المدرسة رقبتهم هالطول وانت رقبتك هالطول تبغى التقليد يصلح لي يصلح لديني يصلح لمجتمعي ما اعرف المهم اني البس وهذا كان اسباب . اسباب مشاكلي كان التقليد الحين تعال لو تروح مدرسة من المدارس وتحصل طالب واحد لبس عدسات خضر بكرة كل المدرسة لابسة خضر صاير طبيعي عندهم يجي واحد ما يدري حاطط ياقة كده المدرسة كلها تقلده . تقليد اوووه حنا للتقليد تقليد ينطبق معانا ؟لا . ينطبق مع ديننا؟ لا . لا ما ينطبق المهم يا اخي هذه المجتمعات الراقية بتسويه لان هذه المجتمعات الراقية دخلت يوسف 20 سنة ادمان 20سنة تعاطي 20 سنة موت والله موت ويا اخوان احذروا التقليد وهذا اول ما بديت اتعاطى مخدرات كان عندنا واحد عينه هني وتجيله ما به صوت يعني مسكين تعبان ويروج مخدرات وكان حلمي في يوم من الايام اني انا اخذ صفة الشخصية هذه شفت شلون لمن يجي العصر وهو قاعد على الكرسي ويروج مخدرات والشمس طاقة بعينه وطبعا لما تطق الشمس بعينه يفتح واحدة ويسكر واحدة فكان حلمي اقوله سلوم يقولي نعم اقوله تصدق يا اخي اتمنى بيوم من الايام اخذ شخصيتك يا حسرة تدرون شلون مات شنق نفسه لانه مل من الحياة صار مثل الشريطة يدورون فيه بالمستشفيات مل شلون يعيش حياة ضنكة والله والله والله اسالوا اللي يستعملون المخدرات قله شلونك؟ يقولك ههه ما ادري. تحس بشي؟ قال لا. تسمع شي؟ قال لا. تتطعم شي؟ قال لا. والله والله كنت اعيش بعيشة ما يعلم بها الا الله .
ابقولكم على قصة تصدقون يا اخوان هذه حاصلتلي انا وفي شهود عليها بعد توبتي بسنتين ان شاء الله اني اكون تايب وادعولي الله يثبتني ويثبت كل مسلم اتصل فيني وكان ملازم والحين رائد هو موجود قالي يوسف امس حنا لقينا فلان تعرفه؟ قلتله اعرفه قال تعرفه عدل قلتله صديقي قال لقيناه ميت في الشارع واتصلنا بولي امره عشان يجي ياخذه يدفنه ما رضوا فيوسف سوي خير ونحسبك من الطيبين وروحوا ادفنوه قلت هذا خوي يعني ادعيله انه الله يغفرله فقلت له انا ما اعرف السالفة وش اسوي قالي روحوا خذوا ورقة من الامارة اسمها تصريح دفن فرحت الامارة سويت تصريح دفن . وش اسوي؟ قال خذ الاشعار عندنا مسجد بالدمام اسمه مسجد الشيخ عيسى اللي عاشوا بالدمام يعرفون هذا المسجد حق غسيل الموتى قال روحوا خذوا اسعاف من عنده فرحنا ناخذ الاسعاف من عنده وطحنا حق المسجد قال والله ما عندنا الا اسعاف واحد دورولكم سيارة وجيبوا ميتكم شوفوا يا شباب ابغى اوريكم على شي بس تكفون ففتنا حق المستشفى المركزي وطقينا على باب الثلاجة اطلع لنا واحد هندي قلناله هذا تصريح الدفن نبي ناخذ الجثة طالع الهندي الورقة يوم يقولي انا وخوي اووووووه هذا نفر ما بي كويس قلت اوووه حتى الهندي يعلم حق الميت فاعطينا الهندي فلوس يجيبلنا الميت والهندي يقول مابي فدشينا حق الثلاجة والهندي مو راضي يفتح الثلاجة يبي يقول 1 2 3 صديق مال انت هنا ويفتح الثلاجة ويسحب ما اعرف انا جديد ويسحب فقال خوي طالع في وجهه يوسف تأكد انه فلان طلعت بوجهه اعوذ بالله من الشيطان الرجيم كل ما قلتها حق واحد مو راضي يصدقني يقول يتهيء لك وخرت قلت حق خوي تعال شوف قال اعوذ بالله من الشيطان الرجيم خل نشيله شلناه وحطيناه في السوبر والله يا شباب انه الريحة في السوبر قعدت اسبوع كامل ريحة خايسة ما اطلعت من السوبر وخذيناه حق المسجد وحطيناه حق المغسلة قال لنا مغسل مسجد الشيخ عيسى انا عندي ميت قاعد اغسله اعلمكم وغسلو خويكم قلنا يالله وقعدنا نغسله واول ما نصب ماء على جسمه والله يا شباب اول ما نصب ماء على جسمه ونبدي نحك بجمسه كذا يطلع جسمه مثل الورق معانا جلده يطلع مثل الورق معانا نبي نرفعه والا تطلع من دبره ريحة شوي والله شوي منو فيكم يبي الحياة هذه او الموتة هذه الحين خلصنا من هذه المشكلة وحطينا عليه الفشت وصلوا عليه الجماعة ووديناه للمقبرة قال ويا المسجد انا بادفن الرجال ويا خويهم اهم 3 بس انتوا ادفنوا خويكم واحنا 2 نبي واحد ثالث خوي وهو موجود ما زال وتايب نزل ينظف القبر قالي يوسف قلتلة ايش قالي انت وفلان ارفعوا هذه وانا بسحبه للقبر تصدقون جينا نرفعه ما قدرنا اطالع خوي وخوي يقولي يوسف شيل اقوله والله انا قاعد اشيل ما قدرنا نرفعه كله ما قدرنا خوي قال يا جماعة وش فيكم اليوم يالله انا امسكه من عند الكفن واسحبه معاكم احس به يقولي يا ولد الصالح لا تنزلني انا مو جاهز حق العذاب الحين الله يخليك يا ولد الصالح لا تنزلني انا ميت على معصية منو فيكم يتمنى الموتة هذه يروح يتعاطى لا تقولون ولد الصالح ما قال الموضوع شغل في مخي يا انا خرفت يا وسوست يا هذه رسالة تكون السبب يا ولد الصالح انتبه وحنا كثر تجينا رسايل ما نقراها نفتح الظرف وش قاعد يصيرلك اي مرض تقول والله لانه الجو شتى وهذا والامراض فايروس ما فايروس يا اخي اعتبرها رسالة من الله وعيد حساباتك . كلامي صح والا لا؟ من فينا لا تجيه رسالة رسائل كل يوم الله يدزها لنا الله يدز لنا واحد مقطوعة رجله بدال ما نفكر بالرسالة مالته نضحك عليه يا شباب الشباب لما تشوفون واحد شايب قاعد يمك ومكحكح لا تضحك عليه وهذا تراه مصيرك توصل كذا ولكن الشباب يضحكون ما نفتكر بالرسايل اللي قاعدة تجينا من الله
الرسالة الثانية لواحدة كلمتني تقريبا من حوالي شهرين تقول انه زوجي بالسجن محكوم 4 سنوات وانا ما ازوره واجد لكن بعض المرات يطلبني خلوة شرعية اروح له تقول في يوم من الايام طلبني الف ريال قال ابي تدبرينلي الف ريال قالت انا على الله وعلى المحسنين بس قلت بعطيه الف ريال عساه ان شاء الله انه يتوب فتقول تحققت من الامر لقيت انه يبغى الف ريال لانه يبي يشتري مخدرات في السجن تقول تجاهلت الموضوع كل يوم اروح له يقول لي وين الالف قلتله والله ما لقيت والشؤون ما اعطونا والمحسنين ما جابولنا تعرف وش يقولها النذل يقول لها يا اخي ابي الف ريال صرفي روحك النذل يقول لها صرفي روحك تعرفون وش معنى صرفي روحك لها معان وايد ولكن معناها هل تعتقدون انه انسان يبغاها تتنازل عن اغلى شي بالدنيا ولكن المخدرات عمت على قلبه وقام ما يحس حتى بشرفه يقول حق زوجته صرفي روحك
ثاني سالفة ام من مدينة ما هي بعيدة عنكم هني اتصلت فيني قعدت ربع ساعة وهي تبكي اقول لها يا بنت الحلال خليني اسمعك قالت لي اش اقولك قلت اسمع اش اقولك قلت لها لا انا متعلم قولي لي ترى اني فاهم والله فاهم قالت لي اسمع يا ابوي انا عندي زوج صار له 35 سنة يتعاطى كالونيا مسويله محل عطور في بطنه ولكن على اساس انه حالتنا المادية بسيطة هو ما عنده فلوس يشرب خمر يروح يشتري الكولونيا رخيصة ولكن بالليل يقلب المجلس عندنا بار اهو عليه ثلج والباقي عليهم الخمر والله هذي انا اسمعها عادي ما في شي قامت تقول الطامة الكبرى انه عنده 4 بنات وكل ليلة يختار واحدة حق ال**اين هذا ابو؟ وتلفونها موجود عندي قلتلها زين ليش يروحون وياه؟ خل يمتنعون قالت اللي تمتنع تنطق حتى يغمى عليها وبعدين يوديها للمقلط ويفصخها ويدخلهم مرة ثانية عليها مينو فيكم يتمنى حاله يصير كده والله انها تبكي دم
وفي واحد اتصل فيني يقولي يوسف الحق علينا اخوي صابه وسواس وشك في زوجته من كثر الحيوب حبوب الشبح والليموني هذه اصنعتها اسرائيل لنا حنا هذه الحبوب ترى فيها خدمتين الخدمة الاولى انها تحرك الخلايا مالة التفكير ومالة التركيز هذه جابتها اسرائيل وذبتها واللي يسمونها الشبح واللي يسمونها الليموني واللي صوبه انتبهوا منها ترى انها واحدة بواحدة يعني ان كان الهروين يدمن عليه الشخص 3 ايام فهذه الحبوب بيومين بس . فقال الحق علي اخوي شاك بزوجته وحابسها هي وعيالها بالبيت وماسك مسدس مو مخلي احد يدش عليهم والله يا شباب شوفوا يا شباب ويقول انهم صار لهم 3 ايام ما اكلوا شي شو نسوي يقول دش فيها مفاوضات الله يخليك الشغلة فيها مسدس ومو قد المفاوضات قعدت المجلس جاني اخينا بالله لو تشوفونه والله انا يوم قعد يمي قلت وين المدمن والا رجل انيق قمة اناقته ولبسه انيق ومثقف تعقدت يوم دريت انه معاه ادب انجليزي وفاهم وواعي ولكن مدمن على المخدرات قالي خير يا شيطان الانس يقول لي انا. قلتله انا مدمن زيك قالي شايفني انا مدمن؟ انت مدمن واللي فيكم على زوجتي كراهية لقيت فيه كراهية يطلع فيكم للسما قلتله ولا يهمك وهذا ومن هالكلام . الحين ابا بقوله اللي فوق ايش ذنبهم؟ اخاف يقولي وش دراك قلتله يا ابن الحلال ترى الامور تصلح وانا كنت مثلك قلتله عندك مسجل قال لي ليه قلت له ابي اسمعك شريط جديد نازل فراح جاب لي مسجل وحطيت الشريط حقي وبدى الشريط ودخل جو هو انا بقوله كلمة فقلت له يا اخي قال اش اش قلت لا دخل جو الرجال تمام يوم يلتفت علي يقولي بالله عليك هذه قصتك؟ قلتله اي والله هذه قصتي تصدق قصتي قال لي لا هذه قصتي فانا قلت يمكن انلحس من الحبوب قلتله قصتك قصتك قال هذه قصتي واكيد اخوي النذل اللي قايلها لك قلت لا والله ما حد قايلها لي هذه قصتي بس عشان انا كنت اتعاطى مخدرات وانت تتعاطى مخدرات قصتنا واحدة بس يا ابن الحلال اللي فوق مالهم ذنب قالي لا اللي فوق فاجرة وانا احاسبها وقعدنا مفاوضات وياه 4 ساعات بس الطامة الكبرى يوم رحنا فتحنا الغرفة والا لقينا طفل عملاه سنتين صاير ازرق والام طايحة ووحدة صغيرة موسخة على روحها لاعب بنفسية عياله لعب ليش لانه مخدرات

أتمنى نالت اعجابيكم وان شاء الله سوف أطرح عليكم اصدارته بالصوت مع باقي اصدارته
أخوكم :عاشق السندباد

الاصدقاء مشكلة والحياة بدون اصحاب صعبة

مشكووور

موضوعك مرررررررررررة حلو يس زي ماتعرف الاصحاب أذا كانو خير صار خير واذا هم من عيال السوء أكيد بكون مخدارت وشراب وكل شي سئ أعوذ بالله من هؤلاء البشر
دامت بود أخوي عاشق السندباد